Hakkinen
今場係曼聯2007年首次真正冇拿臣助陣既比賽...只係得傑斯同朗尼合作攻堅, 中場出番朴智星填補傑斯既位置....都幾令我擔心...不過對手係經常性比曼聯贏2,3球既保頓....都定番d
開波30秒, 奧沙禁區頂解圍失誤, 皮球輾轉落到安歷卡腳上, 後者一射柱邊出界
6分鐘, C朗拿度左路底線引來兩個守衛之後, 傳俾上前助攻既軒斯, 軒斯一腳斬入禁區, 傑斯頭槌一頂被積斯基拿倫救出, 朴智星衝前補射, 可惜門前1,2碼炒機....
8分鐘, 加利佬清波時被史必意外地壓傷右腳足踝, 被扶離場, 由布朗入替...賽後證實需傷出最少3星期, 令曼聯既傷兵名單再加上一個名字...
13分鐘, 布朗中場線左右斬上前面, C朗拿度禁區內一控一射高出
14分鐘, 賓希姆同朗尼爭頂之下, 皮球落在C朗拿度面前, C朗拿度怒放30碼再由底線切入禁區, 引來3個後衛注意之後將個波傳俾12碼點左右既朴智星, 再由後者射成1-0
17分鐘, 保頓既界外球被里奧費迪南禁區內解圍, C朗拿度禁區頂同朗尼一個撞牆後狂奔40碼傳俾左邊既朗尼, 朗尼半笠過積斯基拿倫射成2-0, 仍都係朗尼在曼聯所有正規賽事中第50個入球
24分鐘, 朴智星禁區頂偏右接應到卡域克既傳送, 推一步後傳俾C朗拿度, C朗拿度兩次假動作後射出彈地波, 積斯基拿倫及時救出, 但伏兵門前既朴智星成功執雞射成3-0
36分鐘, 今場踢前鋒較沉既傑斯回到左路發難, 地波傳中俾卡域克, 可惜卡域克一射未能命中目標...
由上半場曼聯攻勢所見, 保頓後防明顯未能追上朗尼等人反擊既速度...(唔好講C7了...), 多次被曼聯一腳波斬上去就做成有威脅攻勢, 多半都因為中路一對守將菲爾同賓希姆速度有限所致, 再加上C朗拿度等人頻頻向右路既亨特發動攻擊, 而後者仍往往上前助攻以致不知所終, 令軒斯斬中機會不絕(如果係艾夫華既話可能係浪費機會不絕)...令到場波一早放入雪櫃
下半場4分鐘, 曼聯作出反擊, 傑斯傳向左路完全無人看管既軒斯, 軒斯睇定之後傳中, C朗拿度門前來遲一步未能射成4-0
8分鐘, 布朗再一次中場線靠右大腳踢前, 傑斯成功突破對方防線, 可惜被追回來既守衛緊迫之下笠射高出
18分鐘, 路蘭掉入界外球, 維迪前柱跣後, 安歷卡窩利一射高出
20分鐘, 迪奧夫小禁區外右邊地波傳中, 安歷卡來遲半步被奧沙清出底線
23分鐘, 朴智星同布朗先後被踢跌, 球證俾曼聯得益, C朗拿度帶入禁區勁射被積斯基拿倫擋出
28分鐘, 布朗頭槌解圍, 後備入替既阿倫史密夫心口一控再踢前俾朗尼, 朗尼擺脫毫無速度既賓希姆直入禁區一射射成4-0....
41分鐘, 維迪同菲爾爭頂高波時有少少身體接觸, 球證直指12碼點...史必射中間, 古斯錫雖然捉到路但都未能擋出皮球...被保頓追回4-1
下半場基本上都係進入悶戰, 曼聯3球在手, 冇必要同你搏槌, 保頓作客奧脫福好似從一開波就覺得必敗無疑, 曼聯只要一打反擊, 速度慢既保頓就會陷入失波既危機...C朗拿度上半場兩下自爆式推進已經係最佳既寫照
賽後評分:
龍門: 古斯錫 (6分): 接高空波有D 荒失失, 救12碼果下我唔知你做緊咩野
後衛: 加利佬 (-): 早段傷出....實在可惜, 仍都意味著布朗有機會在4月頭首回合作客羅馬擔任正選....
維迪 (6分): 十分空閒, 被球證老屈左一球12碼
里奧費迪南 (6分): 曼聯反擊速度之快令此名進攻型後衛無用武之地
軒斯 (7分): 今場波既表現就好似向費格遜表示佢絕對係正選既材料....多次斬中都能做成威脅
中場: C朗拿度 (8.5分): 同一班冇速度既保頓球員踢波直情就係簡單任務....
卡域克 (6.5分): 曼聯中前場球員射門能力你可以講係最差一個...
奧沙 (6分): 出場只是為你四次同球員慶祝既大頭....
朴智星 (7,5分): 把握得好d 已經可以帽子戲法....
前鋒: 傑斯 (6.5分): 打前鋒既佢明顯比較沉, 但有一兩次一回到左路就交得出功課
朗尼 (8分): 兩球入球話難唔難, 話易唔易, 但相比起對上十場既表現的確射術好番好多
後備: 布朗 (6.5分): 冇咩大犯錯, 幾次大腳踢前都有貢獻....
阿倫史密夫 (7分): 助攻之後同里奧FRIEND 過夾BAND...希望星期一有得做正選
李察遜 (5分): 出場之後為爭取大頭就撞向積斯基拿倫, 取得一面黃牌, 一球花巧既後爭但無人接送....
